المساعد الشخصي الرقمي

مشاهدة النسخة كاملة : محمول والحراة وتهنيق


ابو عبدالرحمن
02-01-2008, 04:55 PM
السلام عليكم

حياكم ربي

اخوتي
عندي محمول

كل ما اشغله

يجلس ربع ساعة وبعض الايام ساعة
ويهنق

واذا هنق
طلعت شاشاة زرقاء فيه كم كلمة انقليزية

رحت للصالحية

قالي

يمكن المذر بورد
او الهاردسك
او المروحة
وانا ارشح المروحة لانه سبق ان حصلت وديته للشركة
نظفوها وتحسنت وبعد مدة رجعت المشكلة

فهل هناك توصية قبل ما يمسكوني هالبقالية مع اذني

رايكم وخبراتكم
أبوعبدالله
02-01-2008, 05:38 PM
الحرارة هي العدو الأول للكمبيوتر

الحق حالك ، وغير المروحة قبل ما يحترق المعالج أو المذربورد

ولو تروح الوكالة عشان تأخذ مروحة أصلية يكون أفضل..


وأثناء العمل على المحمول حاول ان فتحات التهوية ما يكون حولها شيء يعيق عملها كأن تضع كتاب بجانب المحمول فيعيق خروج الهواء الساخن ..

وفيه قطعة فيها مراوح تركب كحامل للمحمول ، جربها ...

واذا طفشت من الجهاز ، تقدر تهديه للمنتدى .......
ابو عبدالرحمن
02-01-2008, 07:50 PM
هههههههههههه

تسلم ابو عبد الله

والله المنتدى يستاهل كل خير
فهو مدرسة


تبي الصراحة

كنت مهمل للغاية في موضووووع التهوية

المحمول نوع توشيبا
وصراحة له معي ثلاث سنوات

زريت عليه زر ماشاء الله

وكنت اضعه على المفرش وعلى الطاولة وفي كل محل
ما كنت ماخذ حساب التهوية

وزين اللي تحملني كل هالمدة

لكن بالنسبة لنصيحة المروحة

لازم ارووح لهالمجرمين توشيبا العليان

انا مرة رحت لهم ابشتري شاحن قال لي ب680ريال

شاحن خخخخخ

وادور والف عليه في كل محل ولا احصله الا في جرير
واشتريه ب400ريال
غبن

لكن كلمة وكالة تستاهل خخخ

وش راي الشباب

اشتري مرووحة من هالمحلات والا ارووح للوكالة

ابو عبدالله افتنا في امرنا
فارس الشهراني
02-24-2008, 10:36 PM
صدقت يالغالي غبن لاكن ماعليه البنقاليه فيهم وفيهم لاكن رح محل واثق منه وخلها على ربك الله يوفقك
أبوعبدالله
03-17-2008, 12:02 AM
لقيت لك برنامج رائع لمشكلة حرارة المعالج

اسمه :

SpeedFan

http://www.almico.com/images/mainwindow.gif

يعرض لك حرارة المعالج

ويخلي المروحة تشتغل بشكل أسرع عشان تبرد أكثر ...

اضغط للتحميل: SpeedFan 4.33 (http://www.almico.com/speedfan433.exe)
Ozone
03-17-2008, 05:18 PM
مساء الخير

وضع الجهاز المحمول على الموكيت او الكنب او الفرش يتسبب في اغلاق منافذ التهويه في الجهاز لانه يسحب بقيا الموكيت وغيرها بعدين يبدى الجهاز ترتفع حرارته

تقبل تحياتي
ابو عبدالرحمن
03-18-2008, 02:45 AM
لقيت لك برنامج رائع لمشكلة حرارة المعالج

اسمه :

SpeedFan

http://www.almico.com/images/mainwindow.gif

يعرض لك حرارة المعالج

ويخلي المروحة تشتغل بشكل أسرع عشان تبرد أكثر ...

اضغط للتحميل: SpeedFan 4.33 (http://www.almico.com/speedfan433.exe)



ابو عبدالله بورك فيك
وهذا عشمي بعلومك

هالحين اشغل اللاب تووب
واجرب
والله يجعله سهل الاستخدام
ابو عبدالرحمن
03-18-2008, 02:47 AM
مساء الخير

وضع الجهاز المحمول على الموكيت او الكنب او الفرش يتسبب في اغلاق منافذ التهويه في الجهاز لانه يسحب بقيا الموكيت وغيرها بعدين يبدى الجهاز ترتفع حرارته

تقبل تحياتي


صدقت

انا ما ذبحني الا هالشئ

كنت اجلس بعض الايام على السرير والدعوة كلها فرش
واتوقع هذا اللي اثر على الجهاز
مع ان الجهاز
ماشاء الله

توشيبا (والله ياهوو قدع لو انه ايسر والا طقتها كان ما كمل ولا سنة)
والحمد لله ثلاث سنوات ولا مرة وديته للمصلح
قولووو ماشاء الله
أبوعبدالله
03-18-2008, 03:12 AM
ما شاء الله
ابو عبدالرحمن
03-18-2008, 06:13 AM
ابو عبدالله ابشرك تم التحميل والتجربة

والظااهر
الدعوة حريقة
وش رايك وش الحل

بسرررعة ترى الجهاز منحرم منه منذ مبطي
:)

http://www.u11p.com/ar/upfiles/bCO09923.jpg
ابو عبدالرحمن
03-18-2008, 06:24 AM
التجربة الاولى اللي موولع هي في جهازي المحموول اللي فيه المشكلة منذ مبطي وصابر علي
ههههه

التجربه هذي

في جهازي المكتبي

والظاهر انه مبرد الرجاال ما عليه خووف

http://www.7mar.cc/get-3-2008-ag8cu8xi.JPG
أبوعبدالله
03-18-2008, 03:34 PM
حرارة محمولك جدا مرتفعة

تحتاج طفاية حريق هههههههههههههه


هذي صورة جهازي مع شرح بسيط للأشياء المهمه

http://www.7mar.cc/get-3-2008-8ytt88w9.PNG


أهم شيء تخلي البرنامج شغال جنب الساعة

وتضع علامة صح على خيار اتوماتيك

عشان البرنامج يزيد من فاعلية المروحة اذا زادت الحرارة .

ولا تخاف اذا سمعت صوت المروحة مرتفع ، اهم شيء المعالج ينبسط


وماشاء الله تبارك الله جهازك المكتبي مرتاح مرررررررررة

شكله فيه مراوح كثيرة لأنه أصلي مو تجميع ....
ابو عبدالرحمن
03-24-2008, 04:41 PM
تسلم ابو عبدالله

الجهاز والله اشتغل معي تمام

ولاول مرة من ست شهور
يشتغل بهالشكل

حقيقة انا مليت منه
وتركته لمدة اربعة شهور ما استخدمته
كل ما شغلته هنق

والان اشوف يعمل تمام
مدري هل كان للبرنامج اثر والا الجهاز اخذ له راحة واستعاد قوااه
ابو عبدالرحمن
07-30-2008, 07:31 PM
سبحان الله كل هالصجة
واخرتها ترجع المشكلة زي ماكان

وانا اقول المروحة والمروحة

وديته لمهندس في الصالحية
جرب يمين يسار
وقال
100 المشكلة في الهارديسك

والله ويغير لي هارديسك والان الجهاز100%
والحمد لله
كتبت هالكلام لاني متاكد هناك من سيبحث عن هالمشكلة وحل عبر قوقل وسيجد هالتجربة
هنا باذن الله
أبوعبدالله
07-30-2008, 07:41 PM
الله يجزاك خير يا بو عبد الرحمن

وكلامك صحيح

ربما تمر هذه المشكلة على أحد ما فيجد الاجابة

وإن شاء الله تكون تكون آخر المشاكل